Жаңалықтар мен оқиғалар
«Қазақтеңізкөлікфлоты» ҰТКҚК» ЖШС мұнайдың төгілуін жою бойынша Ақтау портының акваториясында өткізілген оқу жаттығуларға қатысты
Ағымдағы жылғы мамырдың 28-і күні Ақтау порты аумағында «Қазақтеңізкөлікфлоты» ұлттық теңіз кеме қатынасы компаниясы, «Ақтау теңіз сауда порты» ҰК АҚ және «KMG Systems&Services» ЖШС мұнайдың төгілуін оқшаулау және жою бойынша жұмыла өткізілген оқу-жаттығуларға қатысты.
Аталмыш оқу-жаттығуларға «Алматы» танкері тартылды. Іс-шараға бастамашылық «Самұрық-Қазына» АҚ өндірістік қауіпсіздік жоспарының талаптарын орындау мақсатында танытылды.
Оқу-жаттығулардың мақсаты - теңіз экологиясы үшін ауыр салдарға әкеліп соқтыруы, сондай-ақ адамдардың өмірі мен денсаулығына нұқсан келтіруі мүмкін мұнайдың теңізге төгілуі немесе алдағы уақытта төгілуі ықтимал төтенше жағдайларды болдырмау және олардың алдын алу.
«Алматы» танкері экипажының командалық құрамы (ҚТКФ), порттың азаматтық қорғау ерікті құрамалары, KMG S&S, «Сигнал» МЕӨҚ мұнайдың авариялық төгілуін жою, өрт сөндіру, кеме бортының сыртында қалған экипаж мүшесін құтқару бойынша өз алдына белгіленген міндеттерді ойдағыдай орындады.
Оқу-жаттығуларға «Самұрық-Қазына» АҚ, «ҚазМұнайГаз» ҰК» АҚ өкілдері, Маңғыстау облысы әкімдігінің, Маңғыстау облысы бойынша төтенше жағдайлар департаментінің, Маңғыстау облысы бойынша экология департаментінің, «ҚТЖ» ҰК» АҚ өкілдері қатысты.
Оқу-жаттығулардың қатысушылары мұнайдың авариялық төгілуін жою, өрт сөндіру, кеме бортының сыртында суға құлаған кеме экипажының мүшесін құтқару бойынша күштер мен құралдардың уақтылы әзір болуы арқылы төтенше жағдайларда ден қою дағдылары мен машықтарын аса шеберлікпен көрсете білді. Нәтижесінде ұйымдастырылған оқу-жаттығулар ойдағыдай өтті.
