Жаңалықтар мен оқиғалар

Бүгін, 23 қыркүйек күні, жанкүйерлері, туыстары, достары және спорт қауымдастығы Ақтау халықаралық әуежайына Бекзат Нұрдәулетов пен оның жаттықтырушысы Марат Жакиевті салтанатты қарсы алу үшін жиналды.

Олар Ресей Федерациясының Екатеринбург қаласынан бос қолмен емес, бокстан әлем чемпионатының алтын медалімен оралды! Шаршағандарына қарамастан, еліне қуанышты көңіл-күймен қайтты. Әуежайда спортшыны және оның жаттықтырушысын ұлттық салт бойынша - бауырсақ пен дәстүрлі шашумен қарсылады.

Бокстан әлем чемпионаты 7-21 қыркүйек аралығында Екатеринбургте өтті. 21 қыркүйек күні бокстан әлем чемпионатының финалында Қазақстан құрамасында ойнаған Бекзат төрешілердің бірауызды шешімімен 81 келі салмақта Әлем чемпионы деп танылды. Бекзат Нұрдәулетов Өзбекстаннан келген қарсыласын жеңе алды.

Финалға барар жолда Маңғыстау бокс мектебінің шәкірті Оңтүстік Корея, Венесуэла, Бразилия, Түркия және Куба спортшыларынан да мықты болды.

Жетістіктері

Бокстан әлемнің жаңа Чемпионы, 21 жастағы Қазақстан Республикасының спорт шебері Бекзат Нұрдәулетов 2011 және 2012 жылдары жас ұлдар арасындағы Қазақстан Республикасы чемпионатының жеңімпазы атанды. 2014 жылы ересектер арасындағы Қазақстан чемпионатының алтын медалін жеңіп алды. 2015 жылы ол жастар арасындағы Қазақстан Республикасы чемпионатының жеңімпазы атанды. 2016 жылы Бекзад тағы да өзінің көшбасшылығын дәлелдеп, жастар арасындағы ҚР чемпионатының «алтын» жүлдесін жеңіп алды. Сол жылы Бекзат 2016 жылы Санкт-Петербургте өткен жастар арасындағы әлем чемпионатында жеңіске жетті. Келесі екі жыл ішінде күрескер бокстан Қазақстан чемпионатында күміс жүлдеге ие болды.

2019 жылдың мамыр айында Бекзат Нұрдәулетов бокстан Қазақстан Республикасының V жазғы Спартакиадасында қола жүлдегері атанды. 2019 жылдың шілде айында Бекзат бокстан Президент кубогының VII халықаралық турнирінің күміс медалін жеңіп алды.

Бекзат бокспен айналысуды 2009 жылы жаттықтырушы Батырбек Джайлыбаевтың жетекшілігімен, Жаңаөзен қаласындағы №2 ЖСМБ (Р.Өтесінов атындағы ПХО бокс залында) бастаған. 2015 жылы ол Ақтауға қоныс аударып, жаттығуларын Қазақстан Республикасының бокстан еңбек сіңірген жаттықтырушысы, КСРО спорт шебері Марат Жакиевтің жетекшілігімен жалғастырды. Болашақ арманына сенетіндерге тиесілі.

Алда Б.Нұрдәулетовты одан да маңызды жарыстар – 2020 жылы Токиода өтетін Олимпиада ойындары күтіп тұр. Әлем Чемпионы өзінің қуанышты жан толғанысымен және мақсаттарымен бөлісті:

- Көңіл-күйім керемет, мен әлем Чемпионы атандым. Біз лицензиялық турнирге және Олимпиада ойындарына дайындаламыз. Ең есте қаларлық болған, әрине, Ла Крузпен болған жартылай финалдағы жекпе-жек. Таңдалған тактика мен жаттықтырушылардың кеңестерінің арқасында – жеңіске жеттім. Енді біз Олимпиаданың алтынын алуға тырысамыз.

Маңғыстау облысы бокс федерациясының Президенті Марат Көшкінбайұлы Орманов Чемпион мен оның жаттықтырушысы Марат Исағалиұлының мақсатқа жету жолындағы табанды еңбектерін мақтанышпен атап өтті, үміттерді ақтағаны үшін алғыс айтты және әріптестеріне алдағы уақытта жаңа жеңістер тіледі.

Естеріңізге сала кетейік, бокстан әлем чемпионаты Ресей Федерациясының Екатеринбург қаласында өтті, онда Қазақстандық бокс құрамасы медальдар тізімінде үшінші орынға ие болды. Алты жүлдені иеленген қазақстандық боксшылар Өзбекстан (бес) мен Ресейден (төрт) озып, жалпы саны бойынша бірінші орынға ие болды. Қазақстандық боксшылардың қоржынында барлығы алты медаль бар: бір алтын, бір күміс және төрт қола..