Жаңалықтар мен оқиғалар
«Сұңқар» кемесі теңізде жоғалып кеткен ақтау қаласының тұрғындарын құтқару бойынша операцияны ойдағыдай аяқтады
2023 жылғы 24 шілдеде сағат 21:10-да «Қазақтеңізкөлікфлоты» ҰТКҚК» ЖШС (бұдан әрі – ҚТКФ) диспетчерлік қызметіне Маңғыстау облысы бойынша Төтенше жағдайлар департаментінің атынан үш қыз баланы үрмелі матраспен теңізге алып кеткені туралы хабарлама келіп түсті.
Осы орайда ҚТКФ Төтенше жағдайлар жөніндегі Жедел штабы шақырылып, жорамалды ауданға іздестіру операциясына Ақтау портында рейдте тұрған контейнерлерді таситын «Сұңқар» кемесі тез арада бет алды.
2023 жылғы 25 шілдеде сағат 06:45-те іздестіру-құтқару процесінде капитан И.В. Никитин басқарған «Сұңқар» кемесінің экипажы жағалаудан 22 км қашық жерде табылған үш қыз баланы (туған жылдары екеуі - 2006, біреуі - 2004 жылы туған) құтқарды.
Құтқарылған қыз балаларға алғашқы медициналық көмек көрсетілді. Олардың денсаулық жағдайы қалыпты. ҚТКФ «Сұңқар» кемесінің экипажына адал әрі мінсіз жұмысы үшін алғыс білдіре отырып, экипаж мүшелерін наградаға ұсынбақшы.
