Жаңалықтар мен оқиғалар

 «Ұстазға алғыс!» апталығы аталып өтті

2025 жылғы 29 қыркүйек пен 4 қазан аралығында Қазақстан Республикасы Оқу-ағарту министрлігінің бастамасымен елімізде «Ұстазға алғыс!» апталығы өтті.

Осыған орай «Қазақтеңізкөлікфлоты» ЖШС қызметкерлері өздеріне білім мен тәрбие берген ұстаздарын арнайы шақырып, мерекелік іс-шара ұйымдастырды. Айтулы шараға Қазақстан Республикасының білім саласының үздіктері, зейнеткер ұстаздар Серкебаева Жұмабике Жүнісқалиқызы, Сатенова Жұмагүл Әбдрәшқызы және Кезбаева Роза Тәжіғұлқызы қатысып, ҚТКФ Алғыс хатымен марапатталды. Бұл игі шара – ұрпақ тәрбиелеуде аянбай еңбек еткен ұстаздарға деген құрмет пен алғыстың, шынайы ықыластың белгісі.