Жаңалықтар мен оқиғалар
Сәбилер үйіндегі сенбілік
Қайырымдылық - адам бойындағы асыл қасиеттердің бірі.
Ағымдағы жылдың 14 сәуірінде «Қазақтеңізкөлікфлоты» ҰТКҚК» ЖШС ұжымының, Жастар кеңесі мүшелерінің бастамасымен Ақтау қаласында орналасқан облыстық мамандандырылған Сәбилер үйінде кең көлемде ағаштар отырғызу, аймақты тазалау, жөндеу жұмыстары жүргізілді.
Шара барысында мекеме аумағына 40-тан астам раушан гүл түптері отырғызылды, газон себілді, балалардың ойын алаңында орналасқан шарбақ, беседкалар жөнделіп, түрлі-түсті бояулармен боялды.
Айта кететін жәй, ҚТКФ бірнеше жылдан бері қайырымдылық шаралар ұйымдастырып, елеулі көмек көрсетіп келеді.
«Балаға жасаған жақсылық өмір бойы тозбайды» демекші, атаулы шара «Қазақтеңізкөлікфлоты» ҰТКҚК ұжымының рухани, адамгершілік қасиеттерін, балаға деген мейірімдерін көрсетті.
