Жаңалықтар мен оқиғалар
ҚТКФ ұжымы ҰОС ардагерлерін Ұлы Жеңістің 75 жылдығымен құттықтады
Қазақтеңізкөлікфлоты ұжымы Ұлы Отан соғысының ардагерлерін Ұлы Жеңістің 75 жылдығымен құттықтады.
Ұлы Жеңіс күнінен бері 75 жыл уақыт өтті. Бізге өмірінің құнымен бейбіт өмірді, Отанымызға азаттық пен тәуелсіздікті алып берген, шексіз ерлік пен батырлық танытқан ардагерлерге, сұрапыл соғыстың ауыр азабын иығымен көтеріп, тылда майдан үшін еңбек еткен еңбеккерлерге алғысымыз шексіз. Отан алдындағы борышын абыроймен атқарған жеңімпаздар алдында басымызды иеміз.
Бейбітшілік - бұл баға жетпес құндылық. Біздің ардагерлеріміз ұрыс даласында қан кешті, олардың батырлығы әрдайым жадымызда сақталады және біз жауынгерлерімізді жас ұрпақ ұмытпауы үшін қолдан келгеннің барлығын жасаймыз.
Бүгінгі алмағайып заманда біздің қасиетті парызымыз - ардагерлерге барып, оларға алғыс айтып, қолдау көрсетіп, ерліктерінің алдында басымызды иіп, ел үшін жанқиярлық еткендерді ешқашан естен шығармайтынымызды айту.
Биыл компания атынан ардагерлерге ҚТКФ ұжымы өкілдері барды. Олар майдангерлерге құттықтау хаттарын, сондай-ақ азық-түлік кәрзеңкелерін, естелік сыйлықтарды, атаулы көмек пен гүл шоқтарын табыс етті .
«Қазақтеңізкөлікфлоты» ҰТКҚК Алматы және Ақтау қалаларында тұратын бірнеше әскери теңізшілерді, ҰОС ардагерлері мен тыл еңбеккерлерін өз қанатының астына алған.
