Жаңалықтар мен оқиғалар

2024 жылғы 26-27 қыркүйекте "Қазақтеңізкөлікфлоты" Ұлттық теңіз кеме қатынасы компаниясының (ҚТКФ) қызметкерлері Каспий және Қара теңіздер аймағындағы теңіз тасымалы мен логистика мәселелерін талқылауға арналған негізгі платформалардың бірі Тбилиси қаласында өткен BreakBulk Caspian 2024 халықаралық конференциясына қатысты.

BreakBulk Caspian жыл сайын тәжірибе алмасу, жаңа технологияларды талқылау және іскерлік байланыстар орнату үшін сала көшбасшыларын, тасымалдаушыларды және сарапшыларды біріктіреді. Конференцияда ҚТКФ өкілдері халықаралық серіктестермен бірқатар кездесулер өткізді, Транскаспий халықаралық көлік бағыты (ТХКБ) шеңберінде ынтымақтастық пен бизнесті кеңейту перспективаларын талқылады.