Жаңалықтар мен оқиғалар
«Қазақтеңізкөлікфлоты» ҰТКҚК Бремен қаласында (Германия) өткен Breakbulk Europe 2019 халықаралық көрме-конференциясына қатысты
Ағымдағы жылдың 21-23 мамыр аралығында Бремен қаласында (Германия) «Breakbulk Europe 2019» халықаралық көрме-конференция өтті.
«Breakbulk Europe» көлік және логистика көрмесі құрлықтың өңдеу және логистикалық жүк тасымалдау саласына арналған ең ірі көрме болып табылады. Ол порттар, экспедиторлар, тасымалдаушылар және басқа жүк мамандары мен салалық сарапшыларды біріктіреді. Іс-шара жылына бір рет өткізіліп, жүк жөнелтушілердің 150-ден астам компаниясының басын қосуымен ерекшеленеді.
Іс-шараға жүк иелері, теңіз кеме қатынасы кәсіпорындары, порттар / терминалдардың өкілдері, экспедиторлар, дүние жүзінен теңіз техникасына маманданған компаниялар қатысты. Қатысушылардың қатарында Blue Water Shipping, COSCO Shipping, Volgo-Baltic Logistic, Royal Wagenborg Group, Silverburn Shipping, Panalpina және басқалары бар.
Бас директоры М.Орманов бастаған ҚТКФ көрмеде стенд орнатып, теңіз тасымалы бойынша бірнеше сессияларға қатысты.
