Жаңалықтар мен оқиғалар
Қазақтеңізкөлікфлоты China Railway Express жаһандық серіктестерінің кездесуіне және Сиань қаласындағы ТХКБ форумына қатысты
Бас директор А. Оржанов бастаған "Қазақтеңізкөлікфлоты "ҰТКҚК" ЖШС Ұлттық теңіз кеме қатынасы компаниясының делегациясы China Railway Express жаһандық серіктестерінің кездесуіне және Сиань қаласында өткен Транскаспий халықаралық көлік маршрутының (ТХКМ) Форумына қатысты.
Іс-шараларда ТХКМ дамуының негізгі мәселелері талқыланды.
Қытай Халық Республикасының өкілдері мен ТХКМ қауымдастығының мүшелері қатысқан дөңгелек үстел орталық оқиғалардың бірі болды. Негізгі талқылаулар Қытайдан Еуропаға контейнерлік пойыздарды жөнелту үшін сапалы сервис құруға, маршрут бойындағы инфрақұрылымдық жобаларды жаңғыртуға, сондай-ақ құжаттарды ресімдеу стандарттарын біріздендіруге арналды.
Қазақтеңізкөлікфлоты делегациясы сонымен қатар Сиань халықаралық құрғақ портына және қазақстандық терминалға барып, ТХКМ арқылы Қытай-Еуропа бағыты бойынша контейнерлік пойызды жөнелтудің салтанатты рәсіміне қатысты. Іссапар соңында жоғары сапалы Транскаспий халықаралық көлік дәлізін бірлесіп нығайту және дамыту туралы келісімге қол қойылды.
