Кеме жалдау департаменті
cd@kmtf.kz, +77292 535 831, +77292 535 873.

Әлеуметтік жауапкершілік


«Қазақтеңізкөлікфлоты» ұлттық теңіз кеме қатынасы компаниясы» ЖШС үшін 2020 жыл күрделі, қисынды әрі жауапты жылдардың бірі болды.

2020 жылы пандемия мен карантин мезгілінде компанияның негізгі мақсаты компания қызметкерлерінің барлық әлеуметтік кепілдіктері мен мүдделерін қамтамасыз етіп, сақтау арқылы ҚТКФ жұмыс тиімділігі мен персоналын басқару болды.

Осылайша қызметкерлер үшін қолайлы жағдайларды қалыптастыру, сондай-ақ әлеуметтік-еңбек қатынастарын құру мақсатында ҚТКФ бойынша әртүрлі материалдық көмек көрсетілді, қызметкерлерге және олардың отбасы мүшелеріне жыл сайын медициналық сақтандыру жүргізілді, қызметкерлердің балалары жаңа жылғы сыйлықтармен қамтамасыз етілді.

Ұжымда әлеуметтік-психологиялық жағдайды жақсарту үшін ҚТКФ Бас директорының онлайн-қашықтан компанияның еңбек ұжымымен есепті кездесулері өткізілді. ҚТКФ функционалдық блоктарының/бизнес-бағыттарының басшылары жұмыс процестерін неғұрлым тығыз талқылау және туындайтын проблемаларды уақтылы жою үшін жетекшілік ететін бөлімшелерінің қызметкерлерімен басқосулары тоқсан сайынғы негізде өткізіліп отырды.

Қызметкерлерді материалдық тұрғыдан ынталандыру мақсатында ҚТКФ басқарушы, әкімшілік және өндірістік персоналына еңбекке ақы төлеу қағидасына сәйкес барлық қызметкерлерге тоқсан сайынғы және мерекелік сыйлықақылар уақтылы төленді.

Әлеуметтік тұрақтылық Жалғыз қатысушы бекіткен ішкі құжаттармен және оның ұсынымдарымен қамтамасыз етілді.

Осылайша, 2020 жылы барлық жоспарлы көрсеткіштерге, соның ішінде әлеуметтік көрсеткіштерге қол жеткізілді.

Қызметкерлерді қысқартуға жол берілмеді, қызметкерлерге, соның ішінде мердігерлік ұйымдарда (теңіз кемелері экипаждарының мүшелерін жалдау бойынша қызметтер) еңбек жалақысы, сыйлықақылар, еңбек демалысына берілетін материалдық көмек уақтылы төленді.

Коронавирус жұқпасының таралуына жол бермеу мақсатында Төтенше жағдай кезеңінде уақтылы ден қою қамтамасыз етілді.

Осылайша, ҚТКФ 2020 жылғы 28 ақпанда Кемелер қауіпсіздігінің біріктірілген жүйесіне сәйкес Циркуляр құралдары бойынша жағалауға шығуға тыйым салу және теңіз порттарында тұраққа тұрған жағдайда қарым-қатынасты шектеу туралы тапсырма берді.

ҚТКФ кемелер экипаждарының қауіпсіз ауысымын, соның ішінде Теңіз кен орнындағы Прорва порт-бекетінде қамтамасыз етті, осы ретте кеме экипажының әрбір мүшесімен әңгімелесу жүргізіліп, олардың өз отбасы мүшелерімен байланысқа шығуы қамтамасыз етілді.

Пандемия жағдайында енгізілген карантин шектеулері мезгілінде, соның ішінде кеме экипаждарының мүшелері арасында әлеуметтік шиеленісу жағдайына жол берілмеді.

ҚТКФ кемелерінде коронавирус жұқпасын жұқтырудың бірден бір жағдайы тіркелмеді.

ҚТКФ кемелерінің жұмысы штаттық режимде өтті.

ҚТКФ өз қызмет жүзеге асыруда патриоттық азаматтық ұстанымды ұстана отырып, отандастарының өмірін әрдайым жақсартуға ниеттенуде және бизнестің әлеуметтік жауапкершілік қағидаттарын қатаң ұстануда. Компания Маңғыстау облысының әлеуметтік-экономикалық дамуына қомақты нақты үлесін қоса отырып, өңірдің қоғамдық мәнге ие іс-шараларына қатысты.

Осыйлайша:

2020 жылғы 1 маусымда

Жастар кеңесінің мүшелері Халықаралық балаларды қорғау күнін мерекелеу қарсаңында Маңғыстау облыстық мамандандырылған Сәбилер үйінің балаларын мейрам күнімен құттықтады.

ҚТКФ қызметкерлері балаларға арнап сыйлықтар сатып алып, оларды құттықтады. Осылайша аға буын балалардың мереке нышанын сезуіне ықпалдасты, оларға сыйлықтар таратып, бірге уақыт өткізді.

Осы орайда ҚТКФ қызметкерлерінің қайырымдылық науқандарына жыл сайын қатыса отырып, Сәбилер үйіндегі балаларға ұдайы қолдау әрі көмек көрсетіп отыратынын атап өткен жөн.

2020 жылғы 24 шілдеде

Маңғыстау облысында коронавирус жұқпасына (COVID-19) және вирусты пневмонияға байланысты күрделі жағдайды ескере отырып, «ҚазМұнайГаз» ҰК АҚ бен «Қазақтеңізкөлікфлоты» ҰТКҚК» ЖШС басшылары облыстың медициналық мекемелерін жалпы сомасы 320 млн.теңге мөлшерінде 20 дана өкпені жасанды желдету (ӨЖЖ) аппараттарымен қамтамасыз ету жөнінде шешім қабылдады. ӨЖЖ аппараттары Ақтау қаласына жеткізіліп, кейінгі уақытта медициналық мекемелер бойынша таратып беру үшін Маңғыстау облысы әкімдігінің Денсаулық сақтау басқармасына берілді.

Сондай-ақ, ҚМГ және ҚТКФ тарапынан осы аппараттарда жұмыс істеу үшін медициналық персоналды оқыту көзделді.

Бұдан бұрын ҚТКФ облыстың денсаулық сақтау ұйымдарына жеке қорғаныс құралдары (ЖҚҚ): комбинезондарды, мөлдір көзілдіріктер мен жабық мөлдір көзілдіріктерді берген болатын.

2020 жылғы 27 шілдеде

Дағыстан Республикасының Ауыл шаруашылығы министрлігі Маңғыстау облысы әкімдігінің өтініші бойынша қайырымдылық жүктерді жеткізуге ықпалдасты. Қайырымдылық тізімін медициналық маскалар, антисептиктер, медициналық қорғаныс костюмдері және Каспер комбинезондары құрады.

Осы ретте ҚТКФ осы жүктерді кейінгі уақытта облыс әкімдігінің өкілдеріне табыстау үшін оларды Махачкаладан Ақтау портына дейін өтеусіз тәртіппен тасымалдауға атсалысты. Жүктердің тасымалы «ТК Ақтау» танкерімен жүзеге асырылды.

2020 жылғы 10 тамызда

ҚТКФ ұжымы 16 дана пульсоксиметрді сатып алу үшін өз еркімен 566 000 теңге жинады (қанды оттегімен қанықтыру және пульс жиілігіне мониторинг жүргізуге арналған арнайы аппарат).

Сатып алынған аппараттар кейінгі уақытта Ақтау қаласындағы және облыстағы ауруханалар мен емханаларға таратып беру үшін Маңғыстау облыстық Денсаулық сақтау басқармасына табысталды.